На мове роднай…

 Калі чуеш прыгожую мову майстроў слова або чытаеш беларускіх класікаў, то не перастаеш здзіўляцца прыгажосці і мілагучнасці беларускай мовы.

Вы паслухайце родную мову:
Жаўруковаю песняй звініць…
Колькі фарбаў, адценняў у слове!
Як пявуча ліецца-гучыць!

 Выхаванцы летняга аздараўленчага лагера “Сонейка” на базе ДУА “Сярэдняя школа №3 г. Пінска” вырашылі прысвяціць дзень РОДНАЙ МОВЕ! “Гавары са мной па-беларуску” – дэвіз дня. Галоўным мерапрыемствам стаў конкурс чытальнікаў “На мове роднай”. Для арганізатараў прыемнай нечаканасцю стала выключная актыўнасць сярод дзяцей. Не менш уразіў прысутных выбар вершаў для дэкламацыі. Гучалі вершы пра маці, пра прыроду, пра ваенны і пасляваенны час. Старэйшыя ўдзельнікі  дэкламавалі байкі Кандрата Крапівы, вершы Максіма Багдановіча.

 Жадаючых прачытаць верш на беларускай мове было так шмат, што журы было вельмі цяжка вызначыць пераможцаў. Арганізацыйны камітэт прыняў рашэнне ўзнагародзіць усіх удзельнікаў.